ആലപ്പുഴ: മത്സ്യഫെഡ് വഴി ജൂണ്‍ മാസത്തെ വിഹിതമായി വിതരണം ചെയ്യുന്ന വെള്ള മണ്ണെണ്ണ എല്ലാ മത്സ്യത്തൊഴിലാളികളും ജൂണ്‍ 30നു തന്നെ വാങ്ങണമെന്ന് മത്സ്യഫെഡ് ജില്ലാ മാനേജര്‍ അറിയിച്ചു. സബ്‌സിഡി നിരക്കിലുള്ള മണ്ണെണ്ണ 10 എച്ച്.പി. വരെയുള്ള എന്‍ജിനുകള്‍ക്ക് 140 ലിറ്ററും 10 എച്ച്.പി. മുതല്‍ 15 എച്ച്.പി. വരെ 150 ലിറ്ററും 15 എച്ച്.പി.യ്ക്ക് മുകളിലുള്ള എന്‍ജിനുകള്‍ക്ക് 190 ലിറ്ററും ലഭിക്കും. കൂടാതെ പെര്‍മിറ്റ് ഉടമകള്‍ക്ക് സബ്‌സിഡിയില്ലാതെ നിലവിലുള്ള മാര്‍ക്കറ്റ് നിരക്കില്‍ യഥാക്രമം 231 ലിറ്റര്‍, 464 ലിറ്റര്‍, 630 ലിറ്റര്‍ വെള്ള മണ്ണെണ്ണ അധികമായി നല്‍കും. ഇപ്പോഴത്തെ മാര്‍ക്കറ്റ് വില ലിറ്ററിന് 60.18 രൂപയാണ്.