പൊഴിയൂര്‍: പാര്‍ക്ക് ചെയ്തിരുന്ന ബൈക്കിലിരിക്കുകയായിരുന്ന യുവാവ്  എതിര്‍ ദിശയില്‍ നിന്നു വന്ന ഓട്ടോ ഇടിച്ച് മരിച്ചു. ബാലരാമപുരം രാമപുരം കോഴോട് കുളത്തിന്‍കര കാവേരി ഭവനില്‍ രവിയുടെ മകന്‍ സുരേഷ് (31) ആണ് മരിച്ചത്. വെളളിയാഴ്ച ഉച്ചയ്ക്ക് 2.30 ന് നാറാടി വായനശാലയ്ക്ക് സമീപത്തായിരുന്നു അപകടം. ഇടിയുടെ ആഘാതത്തില്‍ റോഡില്‍ തെറിച്ചു വീണ സുരേഷിനെ ഉടന്‍ തന്നെ തിരുവനന്തപുരം മെഡിക്കല്‍ കോളേജ് ആശുപത്രിയിലെത്തിച്ചെങ്കിലും രാത്രി 11.30 ന് മരിച്ചു. മൃതദേഹം ഇന്നലെ മെഡിക്കല്‍ കോളേജ് ആശുപത്രിയില്‍ പോസ്റ്റ് മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടു കൊടുത്തു. പൊഴിയൂര്‍ പൊലീസ് കേസെടുത്തു.