തിരുവനന്തപുരം: തിരുവനന്തപുരത്ത് നടക്കുന്ന 23-ാമത് സംസ്ഥാന ബോയ്‌സ് ആന്‍ഡ് ഗേള്‍സ് ജൂനിയര്‍ സോഫ്റ്റ് ബോള്‍ ചാംപ്യന്‍ഷിപ്പില്‍ പെണ്‍കുട്ടികളുടെ വിഭാഗത്തില്‍ മലപ്പുറം, വയനാട്, എറുണാകുളം, കോട്ടയം ടീമുകള്‍ സെമിയില്‍ പ്രവേശിച്ചു.
പെണ്‍കുട്ടികളുടെ വിഭാഗം കോട്ടര്‍ ഫൈനല്‍ മത്സരങ്ങളില്‍ മലപ്പുറം പാലക്കാടിനെ (13-1), വയനാട് ആലപ്പുഴയെ (7-6), കോട്ടയം തിരുവനന്തപുരത്തെ (9-2), എറണാകുളം കൊല്ലത്തെ (7-0), പോയിന്റുകള്‍ക്ക് പരാജയപ്പെടുത്തിയാണ് സെമിയില്‍ പ്രവേശിച്ചത്. ആണ്‍കുട്ടികളുടെ വിഭാഗത്തില്‍ തിരുവനന്തപുരം, മലപ്പുറം, പത്തനംതിട്ട, ആലപ്പുഴ ടീമുകള്‍ സെമിയില്‍ പ്രവേശിച്ചു.
കോട്ടര്‍ ഫൈനലില്‍ തിരുവനന്തപുരം തൃശൂരിനെ (3-0)നും മലപ്പുറം കോട്ടയത്തെ (6-5)നും പത്തനംതിട്ട വയനാടിനെ (14-7) നും, ആലപ്പുഴ കാസര്‍ഗോഡിനെ (5-2) നും പരാജയപ്പെടുത്തിയാണ് സെമിയില്‍ പ്രവേശിച്ചത്.
ഫൈനല്‍ മത്സരങ്ങള്‍ ചൊവ്വാഴ്ച നടക്കും. തുടര്‍ന്ന് നടക്കുന്ന സമാപന സമ്മേളനത്തില്‍ വിജയികള്‍ക്ക് സംസ്ഥാന സ്‌പോട്‌സ് കൗണ്‍സില്‍ പ്രസിഡന്റ്. ടി.പി ദാസന്‍ സമ്മാനങ്ങള്‍ വിതരണം ചെയ്യും ഓര്‍ഗനൈസിങ് കമ്മിറ്റി ചെയര്‍മാര്‍ കെ.എസ് സുനില്‍കുമാര്‍, വി. ശിവന്‍കുട്ടി. കേരള സോഫ്റ്റ്‌ബോള്‍ അസോസിയേഷന്‍ സംസ്ഥാന സെക്രട്ടറി അനില്‍ എ. ജോണ്‍സണ്‍, സോഫ്റ്റ് ബോള്‍ ഫെഡറേഷന്‍ ഇന്ത്യ ജോ. സെക്രട്ടറി അലക്‌സ് എ. ജോണ്‍സന്‍, ജനറല്‍ കണ്‍വീനര്‍ ഡോ. കെ.കെ വേണു. ഓര്‍ഗനൈസിങ് സെക്രട്ടറി ബോബി സി. ജോസഫ്, പ്രൊഫ. പി. മാത്യു പങ്കെടുക്കും.