പനാജി: കോണ്‍ഗ്രസ് നേതാക്കളില്‍ ചിലര്‍തന്നെയാണ് ഗോവയിലെ സഖ്യശ്രമങ്ങള്‍ അട്ടിമറിച്ചതെന്ന് എ.ഐ.സി.സി ജന.സെക്രട്ടറിയും ഗോവയുടെ ചുമതലയുള്ള നേതാവുമായ ദ്വിഗ് വിജയ് സിങ് . ഗോവയില്‍ കോണ്‍ഗ്രസിന് സര്‍ക്കാര്‍ രൂപീകരിക്കാന്‍ കഴിയാത്തതില്‍ വിമര്‍ശനം നേരിടുന്ന സാഹചര്യത്തിലാണ് തന്റെ സഹപ്രവര്‍ത്തകര്‍ക്കെതിരേ അദ്ദേഹം ആഞ്ഞടിച്ചത്.
ട്വിറ്ററിലൂടെയാണ് തന്റെ നിലപാട് അദ്ദേഹം വ്യക്തമാക്കിയത്.
ഗോവ ഫോര്‍വേഡ് പാര്‍ട്ടിയുമായി തെരഞ്ഞെടുപ്പിന് മുന്‍പ് തന്നെ സഖ്യമുണ്ടാക്കാന്‍ താന്‍ ശ്രമിച്ചിരുന്നുവെന്നും ഇത് സഹപ്രവര്‍ത്തകര്‍ അട്ടിമറിക്കുകയായിരുന്നുവെന്നുമാണ് ദ്വിഗ് വിജയ് സിങ് പറയുന്നത്.-