റിയാദ്: ഈ വര്‍ഷത്തെ ഹജ്ജിന് ഇറാന്‍ തീര്‍ഥാടകര്‍ പങ്കെടുക്കുമെന്ന് സഊദി. കഴിഞ്ഞ ദിവസം ഇറാനുമായി നടത്തിയ ചര്‍ച്ചയുടെ അടിസ്ഥാനത്തിലാണ് തീരുമാനം.
സഊദി അറേബ്യയുമായുള്ള സൈനിക-സുരക്ഷാപരമായ കാരണങ്ങളാല്‍ കഴിഞ്ഞ വര്‍ഷത്തെ ഹജ്ജിന് ഇറാന്‍ തീര്‍ഥാടകര്‍ പങ്കെടുത്തിരുന്നില്ല. സഊദി ഹജ്ജ് കാര്യവകുപ്പും ഇറാനുമായി നടത്തിയ ചര്‍ച്ചയില്‍ പ്രശ്‌നങ്ങള്‍ക്ക് പരിഹാരമായെന്നും വ്യവസ്ഥകള്‍ പ്രകാരം ഇറാന്‍ തീര്‍ഥാടകര്‍ ഈ വര്‍ഷത്തെ ഹജ്ജില്‍ പങ്കെടുക്കുമെന്നും സഊദി ഔദ്യോഗിക വൃത്തങ്ങള്‍ അറിയിച്ചു.
സിറിയ, ഇറാഖ്. യമന്‍ എന്നിവിടങ്ങളില്‍ ശിഈ വിഭാഗം നടത്തിയ മുന്നേറ്റത്തിന് ഇറാന്‍ പിന്തുണ കൊടുത്തതാണ് സഊദിയുമായുള്ള പ്രശ്‌നങ്ങള്‍ ഉടലെടുത്തത്. തുടര്‍ന്ന് ഹജ്ജിന് അവസരം ലഭിച്ച 6000 തീര്‍ഥാടകര്‍ക്ക് ഇറാന്‍ അവസരം നിഷേധിക്കുകയായിരുന്നു.