ന്യൂഡല്‍ഹി: ആഗ്രയില്‍ ഇരട്ട സ്‌ഫോടനം. ആഗ്ര റെയില്‍വേ സ്റ്റേഷനു സമീപത്താണ് സ്‌ഫോടനം നടന്നത്. ആദ്യ സ്‌ഫോടനം നടന്നത് മാലിന്യ നിക്ഷേപ കേന്ദ്രത്തിലായിരുന്നു. പിന്നീട് റെയില്‍വേ സ്റ്റേഷനു സമീപത്തെ ഒരു വീട്ടിലും സ്‌ഫോടനമുണ്ടായി. ആര്‍ക്കും പരുക്കില്ലെന്നാണ് സൂചന.

സ്ഫോടനത്തിന്‍റെ കാരണം വ്യക്തമല്ല. പൊലിസ് അന്വേഷണം ആരംഭിച്ചു. 

കഴിഞ്ഞ ദിവസം തീവ്രവാദ ഭീഷണിയുടെ പശ്ചാത്തലത്തില്‍ താജ്മഹലിന്റെ സുരക്ഷ വര്‍ധിപ്പിച്ചിരുന്നു. ഐഎസ് അനുകൂല സംഘടന താജ്മഹല്‍ തകര്‍ക്കാന്‍ പദ്ധതിയിടുന്നതായുള്ള റിപ്പോര്‍ട്ടിനെ തുടര്‍ന്നാണ് സുരക്ഷ ശക്തമാക്കിയിരിക്കുന്നത്. ഭീഷണിയുമായി ബന്ധപ്പെട്ട ഗ്രാഫിക് ചിത്രം തീവ്രവാദ പ്രവര്‍ത്തനങ്ങള്‍ ഓണ്‍ലൈനില്‍ നിരീക്ഷിക്കുന്ന സൈറ്റിന് ലഭിച്ചു.

കറുത്ത മുഖംമൂടി അണിഞ്ഞ ആയുധധാരിയായ ഒരാള്‍ താജ്മഹലിന് നേരെ തിരിഞ്ഞു നില്‍ക്കുന്നതും താഴെ 'പുതിയ ലക്ഷ്യം' എന്ന് എഴുതിയിരിക്കുന്നതുമാണ് ചിത്രത്തില്‍ ഉള്ളത്. ഐ.എസ് ഭീകരര്‍ ഡല്‍ഹിയിലെത്തിയതായി നേരത്തെ ഇന്റലിജന്‍സ് മുന്നറിയിപ്പുണ്ടായിരുന്നു.