ജിദ്ദ: സഊദി രാജാവ് സല്‍മാന്‍ ബിന്‍ അബ്ദുല്‍ അസീസ് അല്‍ സഊദ് മാലിദ്വീപ് സന്ദര്‍ശനം ഉപേക്ഷിച്ചു. മാലിദ്വീപില്‍ പന്നിപ്പനി പടര്‍ന്ന് പിടിക്കുന്ന സാഹചര്യത്തെ തുടര്‍ന്നാണ് രാജാവ് സന്ദര്‍ശനം ഉപേക്ഷിച്ചത്. മാലിദ്വീപ് വിദേശകാര്യമന്ത്രി മുഹമ്മദ് അസിം ആണ് ഇക്കാര്യം അറിയിച്ചത്. പുതിയ സന്ദര്‍ശന തീയതി പിന്നീട് അറിയിക്കുമെന്നും അദ്ദേഹം പറഞ്ഞു.

ഇന്തോനേഷ്യ, ജപ്പാന്‍, ബ്രൂണൈ, മലേഷ്യ തുടങ്ങി ഏഷ്യന്‍ രാജ്യങ്ങളില്‍ സന്ദര്‍ശനം നടത്തി വരുകയാണ് സല്‍മാന്‍ രാജാവ്. പര്യടനത്തിലെ അവസാന രാജ്യമായിരുന്നു മാലിദ്വീപ്.

മാലിയില്‍ ആരോഗ്യവകുപ്പ് നടത്തിയ പരിശോധനയില്‍ നിരവധി ആളുകളില്‍ പന്നിപ്പനി സ്ഥിരീകരിച്ചു. പന്നിപ്പനിമൂലം രണ്ടു പേര്‍ മരിച്ചതായും ആരോഗ്യവകുപ്പ് അറിയിച്ചു.