ആനക്കര: വരാഹമൂര്‍ത്തിയുടെ പേരില്‍ ലഭിച്ച കീര്‍ത്തി പുരസ്‌കാരം വരാഹമൂര്‍ത്തിയില്‍ നിന്ന് ലഭിച്ച അനുഗ്രഹമായിട്ടാണ് കരുതുന്നതെന്ന് മഹാകവി അക്കിത്തം. പന്നിയൂര്‍ വരാഹമൂര്‍ത്തി ക്ഷേത്ര സേവനസമിതി ഏര്‍പ്പെടുത്തിയ പ്രഥമ പന്നിയൂര്‍ വരാഹ കീര്‍ത്തി പുരസ്‌കാരം  ഏറ്റുവാങ്ങിയ ശേഷം സംസാരിക്കുകയായിരുന്നു അദ്ദേഹം. വി.കെ.ശ്രീരാമന്‍ പുരസ്‌കാരം സമര്‍പ്പിച്ചു.  കോഴിക്കോട് സാമൂതിരി രാജ പ്രതിനിധി പി.ആര്‍.രാമവര്‍മ്മ,  ക്ഷേത്രം തന്ത്രി കല്‍പ്പുഴ ശങ്കരന്‍ നമ്പൂതിരിപ്പാട്, വാസുദേവന്‍ അക്കിത്തിരിപ്പാട്, പരമേശ്വരന്‍ സോമയാജിപ്പാട്, ഇഞ്ചിപ്പിളളി ശങ്കരന്‍ നമ്പൂതിരിപ്പാട്, ഡോ.വേണുഗോപാലന്‍, ഡോ.കിഷോര്‍, ഡോ.ശ്രീജ സംസാരിച്ചു.