കൊട്ടിയം: കുണ്ടറ നാന്തിരിക്കലില്‍ പത്ത് വയസുകാരിയുടെ ദുരൂഹമരണം പൊലിസ് പ്രത്യേക അന്വേഷണ സംഘം രൂപീകരിച്ച് അന്വേഷിക്കണമെന്ന് ആര്‍.വൈ.എഫ് ആവശ്യപ്പെട്ടു. ഇക്കാര്യത്തില്‍ സമഗ്രമായ അന്വേഷണം ആവശ്യപ്പെട്ട് ആര്‍.വൈ.എഫ് സംസ്ഥാന സമിതിയംഗം ഫിറോസ് ഷാ സമദ് മന്ത്രി മേഴ്‌സിക്കുട്ടിയമ്മയ്ക്ക് പരാതി നല്‍കി. നിലവില്‍ നടക്കുന്ന അന്വേഷണം തൃപ്തികരമല്ല. പൊലിസിന്റെ ഇതുവരെയുള്ള മെല്ലപ്പോക്ക് അവരുടെ വിശ്വാസ്യതയ്ക്ക് മങ്ങലേല്‍പ്പിച്ചു. ആഭ്യന്തരവകുപ്പ് പ്രത്യേക പൊലിസ് സംഘത്തെ നിയോഗിച്ച്  അന്വേഷണം നടത്തി മരണത്തിന്റെ നിജസ്ഥിതി ജനങ്ങളെ ഉടന്‍ ബോധ്യപ്പെടുത്തണന്നും ഫിറോസ് ഷാ സമദ് പ്രസ്താവനയില്‍ ആവശ്യപ്പെട്ടു.