വടകര: മാഹിയില്‍ നിന്നുള്ള മദ്യക്കടത്ത് പരിശോധനയ്ക്കിടയില്‍ കഞ്ചാവുമായി യുവാവ് പിടിയില്‍. അഴിയൂര്‍ സ്വദേശി എരിക്കിന്‍ ചാലില്‍ നിസാറിനെയാണ് (34) 70 ഗ്രാം കഞ്ചാവുമായി വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ മുരളീധരനും സംഘവും അറസ്റ്റ് ചെയ്തത്. ഇയാള്‍ സഞ്ചരിച്ച കെ.എല്‍ 18 ജി 9614 നമ്പര്‍ ഓട്ടോറിക്ഷയും പിടികൂടി. മടപ്പള്ളി ഗവ. കോളജ് ബസ് സ്റ്റോപ്പിന് മുന്‍വശത്തു നിന്നാണ് ഇയാള്‍ കഞ്ചാവു സഹിതം ഇയാള്‍ വലയിലായത്. പ്രിവന്റിവ് ഓഫിസര്‍ കെ. വിജയന്‍, സിവില്‍ എക്‌സൈസ് ഓഫിസര്‍മാരായ രാഗേഷ് ബാബു, അനീഷ്, രതീഷ് എന്നിവരും സംഘത്തിലുണ്ടായിരുന്നു.