കൊച്ചി:ഡ്രൈവിങ് പഠനം സ്‌കൂളുകളില്‍ നിന്ന് തുടങ്ങാന്‍ സംവിധാനമുണ്ടാകണമെന്ന് ഡി.ജി.പി ലോക്‌നാഥ് ബെഹ്‌റ. 

ഡ്രൈവിങ് സ്‌കൂളുകളിലെ ഡ്രൈവിങ് പഠനം അശാസ്ത്രീയമാണെന്നും സ്‌കൂളുകളില്‍ തന്നെ ഡ്രൈവിങ് സ്‌കൂളുകള്‍ തുടങ്ങാന്‍ മാനേജ്‌മെന്റുകള്‍ തയാറാകണമെന്നും അദ്ദേഹം അഭിപ്രായപ്പെട്ടു. കൊച്ചി നഗരത്തില്‍ നടപ്പാക്കുന്ന ഗതാഗത പരിഷ്‌കാരങ്ങളുമായി ബന്ധപ്പെട്ട ആലോചനാ യോഗത്തില്‍ സംസാരിക്കുകയായിരുന്നു ഡി ജി പി.
ഇന്ന് ഡ്രൈവിങ് സ്‌കൂളുകളില്‍ നിന്ന് പഠിച്ചിറങ്ങുന്നവര്‍ക്ക് റോഡില്‍ ഡ്രൈവിങ് നടത്താനുള്ള യോഗ്യതയില്ലെന്ന് എല്ലാവര്‍ക്കുമറിയാം. ഡ്രൈവിങുമായി ബന്ധപ്പെട്ട പ്രധാനപ്പെട്ട പലകാര്യങ്ങളും ഡ്രൈവിങ് സ്‌കൂളുകള്‍ അവരെ പഠിപ്പിക്കുന്നില്ല.