പേരാമ്പ്ര: ചക്കിട്ടപാറ പഞ്ചായത്തില്‍ നടപ്പാക്കുന്ന സംസ്ഥാന സര്‍ക്കാരിന്റെ നവകേരള മിഷന്‍ പദ്ധതി പ്രവര്‍ത്തനങ്ങളുടെ പ്രഖ്യാപനം പ്രസിഡന്റ് ഷീജാ ശശി നിര്‍വഹിച്ചു. വൈസ് പ്രസിഡന്റ് കെ. സുനില്‍ അധ്യക്ഷനായി. ജോസഫ് പള്ളൂരുത്തി, ഷാജു കോലത്തുവീട്ടില്‍, ആവള ഹമീദ്, രാജന്‍ വര്‍ക്കി, ബേബി നന്ദലത്ത്, സി.കെ ശശി, ദേവി വാഴയില്‍, ലൈസ ജോര്‍ജ്, പ്രേമന്‍ നടുക്കണ്ടി, സുഭാഷ് തോമസ്, ടി.ഡി ഷൈല, ഡെയ്‌സി ജോസഫ്, ഷീനാ റോബിന്‍, ഷീന പുരുഷു, കെ.കെ ബിജു പ്രസംഗിച്ചു.
മേപ്പയ്യൂര്‍: പതിമൂന്നാം പഞ്ചവത്സര പദ്ധതി നവകേരളാ മിഷനുമായി ഹരിതകേരളം,  ലൈഫ്, പൊതുവിദ്യാഭ്യാസ യജ്ഞം, ആര്‍ദ്രം പദ്ധതികളെ സംയോജിപ്പിച്ച്  നടപ്പിലാക്കുന്നതിന് പഞ്ചായത്ത് നവകേരളാ മിഷന്‍ രൂപീകരിച്ച്  പ്രഖ്യാപനം നടത്തി.
പഞ്ചായത്ത് വൈസ് പ്രസിഡന്റ് കെ.ടി രാജന്‍ അധ്യക്ഷനായി. പഞ്ചായത്ത് പ്രസിഡന്റ് പി.കെ റീന പ്രഖ്യാപനം നടത്തി. ആസൂത്രണ സമിതി ഉപാധ്യക്ഷന്‍ പി.പി രാധാകൃഷ്ണന്‍ വിശദീകരിച്ചു.
വികസന  കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ഇ. ശ്രീജയ സ്വാഗതവും  പഞ്ചായത്ത് സെക്രട്ടറി ജോണി വര്‍ഗീസ് നന്ദിയും പറഞ്ഞു.