പേരാമ്പ്ര: വിദ്യാലയത്തെ ആധുനിക സജ്ജീകരണങ്ങളോടുകൂടി മികവുറ്റ പഠന കേന്ദ്രമാക്കുക എന്ന ലക്ഷ്യത്തോടെ ചങ്ങരോത്ത് എം.യു.പി സ്‌കൂളില്‍ ദിശ-2021 ന് തുടക്കമായി. അക്കാദമിക് രംഗത്തും ഭൗതിക രംഗത്തും അടുത്ത അഞ്ചു വര്‍ഷം വിദ്യാലയത്തില്‍ നടപ്പില്‍ വരുത്തുന്ന പദ്ധതിയാണ് ദിശ.
പൊതുവിദ്യാലയങ്ങള്‍ മികവിന്റെ കേന്ദ്രങ്ങളാക്കുക എന്ന കാംപയിനിന്റെ ഭാഗമായി സ്‌കൂള്‍ ഓഡിറ്റോറിയത്തില്‍ നടന്ന വികസന സെമിനാറും പൂര്‍വവിദ്യാര്‍ഥി സംഗമവും ചങ്ങരോത്ത് പഞ്ചായത്ത് പ്രസിഡന്റ് കെ.കെ ആയിഷ ഉദ്ഘാടനം ചെയ്തു. പി.ടി.എ പ്രസിഡന്റ് കെ.എം രാജീവന്‍ അധ്യക്ഷനായി. പി.കെ അബ്ദുറഹ്മാന്‍, കെ. ആശാലത പദ്ധതി അവതരിപ്പിച്ചു.
 കെ.പി യൂസുഫ്, കെ.കെ അബൂബകര്‍, വി.കെ നാരായണന്‍ അടിയോടി, കെ.ടി മൊയ്തീന്‍, എന്‍.സി അബ്ദുറഹ്മാന്‍, ടി.എം അസീസ്, മുനീര്‍ ഇ.കെ, എം.കെ സുബൈര്‍, സബീഷ് രാജ് പ്രസംഗിച്ചു. കെ. കുഞ്ഞാലി മാസ്റ്റര്‍ സ്വാഗതം പറഞ്ഞു.