വേങ്ങര: നിയോജക മണ്ഡലത്തിലെ വിവിധ റോഡുകള്‍ ബി.എം.ബി.സി പ്രവൃത്തികള്‍ നടത്തുന്നതിന് ഭരണാനുമതിയായി. ഒതുക്കുങ്ങല്‍ പഞ്ചായത്തിലെ കവല - നെട്ടിച്ചാടി റോഡിന് 341 ലക്ഷം, ഊരകം പഞ്ചായത്തിലെ രാതോട് - കോട്ടുമാല- പാറക്കടവ്- കോട്ടുമലപ്പറമ്പ് റോഡ് 280ലക്ഷം, പറപ്പൂര്‍ പഞ്ചായത്തിലെ കോട്ടക്കല്‍ പറപ്പൂര്‍ വേങ്ങര റോഡ് 157 ലക്ഷം എന്നിവക്കാണ് ഭരണാനുമതി ലഭിച്ചത്. ടെന്‍ഡര്‍ നടപടികള്‍ പൂര്‍ത്തിയാകുന്ന മുറക്ക് പ്രവൃത്തികള്‍ ആരംഭിക്കുമെന്ന് എം.എല്‍.എ പി.കെ കുഞ്ഞാലിക്കുട്ടിയുടെ ഓഫിസ് അറിയിച്ചു.