മൊഗാദിശു: സൊമാലിയന്‍ തലസ്ഥാനമായ മൊഗാദിശുവില്‍ സ്‌ഫോടനവും വെടിവയ്പും. അല്‍ശബാബ് തീവ്രവാദികളാണ് ആക്രമണം നടത്തിയതെന്ന് സംശയിക്കുന്നു.
തലസ്ഥാന നഗരിയിലെ നാസോ ഹബ്്‌ലോഡ് ഹോട്ടലിലാണ് ആക്രമണം. ആര്‍ക്കെങ്കിലും പരുക്കേറ്റതായി റിപ്പോര്‍ട്ടില്ല. മൊഗാദിശു വിമാനത്താവളത്തില്‍ നിന്ന് ഒരു കിലോമീറ്റര്‍ മാത്രം അകലെയാണ് ഈ പ്രദേശം. ഇവിടെ രണ്ടാമത്തെ സ്‌ഫോടനവും നടന്നതായി റോയിട്ടേഴ്‌സ് വാര്‍ത്താ ഏജന്‍സി റിപ്പോര്‍ട്ട് ചെയ്തു. സ്‌ഫോടനത്തിനു പിന്നാലെ വെടിയൊച്ച കേട്ടതായി ദൃക്‌സാക്ഷികളും പറഞ്ഞു. കിഴക്കന്‍ ആഫ്രിക്കയിലെ തീവ്രവാദ സംഘടനയായ അല്‍ശബാബ് സൊമാലിയയില്‍ തുടര്‍ച്ചയായി ആക്രമണം നടത്തുന്നുണ്ട്. ഈമാസം ആദ്യമുണ്ടായ ആക്രമണത്തില്‍ മൊഗാദിശുവില്‍ 10 പേര്‍ കൊല്ലപ്പെടുകയും 50 പേര്‍ക്ക് പരുക്കേല്‍ക്കുകയും ചെയ്തിരുന്നു. ഈ ആക്രമണത്തിന്റെ ഉത്തരവാദിത്വം ഏറ്റെടുത്തത് അല്‍ശബാബാണ്.