മലപ്പുറം: ഉപതെരഞ്ഞെടുപ്പില്‍ റെക്കോര്‍ഡ് ഭൂരിപക്ഷത്തിനായി നിയോജക മണ്ഡലം, പഞ്ചായത്ത്, ബൂത്തുതല  പ്രവര്‍ത്തനങ്ങള്‍ സജീവമാക്കാന്‍ യു.ഡി.എഫ് ജില്ലാ കമ്മിറ്റി, ജനപ്രതിനിധികള്‍, നിയോജക മണ്ഡലം ചെയര്‍മാന്‍, കണ്‍വീനര്‍മാരുടെ യോഗം തീരുമാനിച്ചു. 20നു രാവിലെ യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടി നാമനിര്‍ദേശ പത്രിക സമര്‍പ്പിക്കും.
അന്നു വൈകിട്ട് മൂന്നിനു യു.ഡി.എഫ് പാര്‍ലമെന്റ് മണ്ഡലം കണ്‍വന്‍ഷന്‍ മലപ്പുറത്തു നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം  ചെയ്യും. 25നു മുന്‍പായി പാര്‍ലമെന്റ്  മണ്ഡലം മുതല്‍ ബൂത്തുതലംവരെയുള്ള കമ്മിറ്റികള്‍ തെരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്കു പൂര്‍ണ സജ്ജമാകും. 22, 23 ദിവസങ്ങളിലായി നിയോജക മണ്ഡലം കണ്‍വന്‍ഷനുകള്‍ പൂര്‍ത്തിയാക്കാനും യോഗം  തീരുമാനിച്ചു.
വി.വി പ്രകാശ് അധ്യക്ഷനായി. സയ്യിദ് സ്വാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി, ഇ.ടി മുഹമ്മദ് ബഷീര്‍, കെ.പി.എ മജീദ്, പി.വി അബ്ദുല്‍വഹാബ് എം.പി, എ.പി അനില്‍കുമാര്‍ എം.എല്‍.എ, കെ. കുട്ടി അഹമ്മദ് കുട്ടി, അഡ്വ. കെ.എന്‍.എ ഖാദര്‍, ഇ. മുഹമ്മദ്കുഞ്ഞി, സബാഹ് പുല്‍പറ്റ, കൃഷ്ണന്‍ കോട്ടുമല, വെന്നിയൂര്‍ മുഹമ്മദ്കുട്ടി, ബിജു ഒ.ജെ, പി.ടി അജയ്‌മോഹന്‍, അഡ്വ. യു.എ ലത്വീഫ്,  എം.എല്‍.എമാരായ പി. ഉബൈദുല്ല, അഡ്വ. എം. ഉമ്മര്‍, പി. അബ്ദുല്‍ഹമീദ്, ടി.വി ഇബ്രാഹിം സംസാരിച്ചു.