തളിപ്പറമ്പ്: ഗോനെക്‌സ കരീബിയന്‍സ് ഫുട്‌ബോളില്‍ സഡണ്‍ ഡത്തില്‍ ബ്ലാക്ക് ആന്റ് വൈറ്റ് കോഴിക്കോട് എഫ്.സി കൊണ്ടോട്ടിയെ തോല്‍പിച്ചു ജേതാക്കളായി. നിശ്ചിത സമയത്തെ മത്സരം അവസാനിക്കുമ്പോള്‍ ഇരു ടീമുകളും രണ്ടു വീതം ഗോള്‍ നേടി സമനിലയിലായിരുന്നു. ബ്ലാക്ക് ആന്റ് വൈറ്റ് കോഴിക്കോടിനു വേണ്ടി കിംഫിലിയാണ് ആദ്യ ഗോള്‍ നേടിയത്. രണ്ടാംപകുതിയില്‍ എഫ്.സി കൊണ്ടോട്ടിയുടെ നാനിയിലൂടെ ഗോള്‍ മടക്കി സമനില നേടി. 45ാം മിനുട്ടില്‍ മാലിക്ക് നേടിയ ഗോളിലൂടെ മത്സരത്തില്‍ എഫ്.സി കൊണ്ടോട്ടി ആധിപത്യം നേടിയെങ്കിലും എഫ്.സി കൊണ്ടോട്ടിയുടെ താരത്തെ മുഖത്തടിച്ചതിന് ചുവപ്പ് കാര്‍ഡ് കണ്ട നാനിക്കു പകരക്കാരനായെത്തിയ ശരത്തിലൂടെ ബ്ലാക്ക് ആന്റ് വൈറ്റ് കോഴിക്കോട് സമനില നേടി. പെനാല്‍ട്ടിയിലും തീരുമാനമാകാതെ സഡണ്‍ ഡത്തില്‍ ഇല്ല്യാസിന്റെ ഗോളില്‍ ബ്ലാക്ക് ആന്റ് വൈറ്റ് കോഴിക്കോട് വിജയികളാകുകയായിരുന്നു. തളിപ്പറമ്പ് നഗരസഭാ ചെയര്‍മാന്‍ മഹമ്മുദ് അള്ളാംകുളം, പി മുഹമ്മദ് ഇക്ബാല്‍, ഷിയ ഷിഹാബ് എന്നിവര്‍ മുഖ്യാതിഥികളായി. ഇന്ന് നടക്കുന്ന മത്സരത്തില്‍ മൊട്ടമ്മല്‍ ബ്രദേഴ്‌സും സോക്കര്‍ ഷൊര്‍ണൂരും ഏറ്റുമുട്ടും.