കണ്ണൂര്‍: തലശേരി നങ്ങാറത്ത് പീടികയിലും എടക്കാട് ഒ.കെ യു.പി സ്‌കൂളിനു സമീപവും സി. പി.എം പ്രവര്‍ത്തകര്‍ക്ക് വെട്ടേറ്റു. ഇന്നലെ രാത്രി 11.30 ഓടെയായിരുന്നു സംഭവം. നങ്ങാറത്ത്പീടികയില്‍ വെട്ടേറ്റ മണി എന്ന കണ്ണനെ തലശേരി സഹകരണ ആശുപത്രിയില്‍ പ്രവേശിപ്പിച്ചു. ഏതാണ്ട് ഇതേ സമയത്ത് തന്നെയാണ് എടക്കാടും അക്രമം നടന്നത്.
കുണ്ടത്തിന്‍മൂല കൈരളി വായനശാലയ്ക്കു സമീപം ഇ.എം.എസ് ദിനാചരണത്തോടനുബന്ധിച്ച് കൊടിതോരണങ്ങള്‍ സ്ഥാപിക്കുകയായിരുന്ന രോഹിത്ത്, അഭിനന്ദ്, ജിതിന്‍ എന്നിവര്‍ക്കു വെട്ടേറ്റു. കഴുത്തിന് വെട്ടേറ്റ ജിതിനെ തലശേരി സഹകരണ ആശുപത്രിയിലും പുറത്ത് കുത്തേറ്റ രോഹിത്ത്, അഭിനന്ദ് എന്നിവരെ പരിയാരം മെഡിക്കല്‍ കോളജിലും പ്രവേശിപ്പിച്ചു. അക്രമത്തിനു പിന്നില്‍ ആര്‍.എസ്.എസ് പ്രവര്‍ത്തകരാണെന്ന് സി.പിഎം ആരോപിച്ചു.