കാഞ്ഞങ്ങാട്: സഹോദരനെ വെട്ടിക്കൊന്ന കേസില്‍  കുറ്റപത്രം സമര്‍പ്പിച്ചു. ഇക്കഴിഞ്ഞ  ഡിസംബര്‍ 31നു രാത്രി രാവണീശ്വരം പാടിക്കാനത്ത്  മരപ്പണിക്കാരന്‍ ഗോവിന്ദന്റെ മകന്‍ കുമാരന്‍  കൊല്ലപ്പെട്ട (55) സംഭത്തിലാണ് ഇയാളുടെ സഹോദരന്മാര്‍ക്കെതിരേ ഹൊസ്ദുര്‍ഗ്  ഒന്നാം ക്ലാസ് കോടതി (ഒന്ന്) യില്‍  കുറ്റപത്രം സമര്‍പ്പിച്ചത്.
കൊല്ലപ്പെട്ട കുമാരന്റെ അനുജന്മാരായ പി.എ ശ്രീധരന്‍ (49), നാരായണന്‍ (41), പത്മനാഭന്‍ (56), പത്മനാഭന്റെ മകന്‍ സന്ദീപ് (26) എന്നിവരാണു കേസിലെ  പ്രതികള്‍.
കുമാരന്റെ വീട്ടുപറമ്പിനോട് ചേര്‍ന്ന് സര്‍ക്കാര്‍ പതിച്ച് നല്‍കിയ ഒന്‍പതു സെന്റ് സ്ഥലത്ത് കുഴല്‍ക്കിണര്‍ കുഴിക്കാനുള്ള ശ്രമം തടഞ്ഞ സഹോദരന്മാര്‍ ഈ സ്ഥലം തങ്ങള്‍ക്കു കൂടി അവകാശപ്പെട്ടതാണെന്ന് പറഞ്ഞ് അക്രമിക്കുകയായിരുന്നുവത്രെ.