കാസര്‍കോട്: നെല്‍വയലുകളും തണ്ണീര്‍ത്തടങ്ങളും സംരക്ഷിക്കണമെന്ന ആവശ്യമുയര്‍ത്തി പരിസ്ഥിതി പ്രവര്‍ത്തകരും കര്‍ഷകരും കലക്ടറേറ്റിനു മുന്നില്‍ സത്യഗ്രഹം നടത്തി. ജൈവ കര്‍ഷകന്‍ കെ.ബി.ആര്‍ കണ്ണന്‍ സത്യഗ്രഹം ഉദ്ഘാടനം ചെയ്തു. പരിസ്ഥിതി സമിതി കണ്‍വീനര്‍ അഡ്വ. ടി.വി രാജേന്ദ്രന്‍, പി.എ നായര്‍, പി.പി.കെ പൊതുവാള്‍, എ.കെ അബ്ദുല്ല, നാരായണന്‍ പെരിയ, അശോകന്‍, എ ഭരതന്‍, പി മുരളീധരന്‍, അമ്പലത്തറ കുഞ്ഞികൃഷ്ണന്‍ സംസാരിച്ചു.