കണ്ണൂര്‍: സംസ്ഥാനത്തെ മുഴുവന്‍ റേഷന്‍ കടകളിലും ഇ-പോസ് മെഷിനുകള്‍ സ്ഥാപിച്ചതിന്റെ ഔദ്യോഗിക പ്രഖ്യാപനം 18ന് മുഖ്യമന്ത്രി പിണറായി വിജയന്‍ നിര്‍വഹിക്കും. റേഷന്‍ കടകളുടെ ഏകീകൃത മാതൃകയുടെ പ്രകാശനവും സപ്ലൈകോയുടെ ശബരി-ന്യായവില ഉല്‍പന്നങ്ങള്‍ റേഷന്‍ കടകള്‍ വഴി ലഭ്യമാക്കുന്നതിന്റെ സംസ്ഥാനതല ഉദ്ഘാടനവും മുഖ്യമന്ത്രി നിര്‍വഹിക്കും. തളാപ്പിലെ 121ാം നമ്പര്‍ റേഷന്‍ കടയുടെ സമീപം രാവിലെ 11ന് നടക്കുന്ന ചടങ്ങില്‍ മന്ത്രി പി. തിലോത്തമന്‍ അധ്യക്ഷനാകും. മന്ത്രി കെ.കെ ശൈലജ, മന്ത്രി രാമചന്ദ്രന്‍ കടന്നപ്പള്ളി, എം.പിമാരായ പി.കെ ശ്രീമതി, മുല്ലപ്പള്ളി രാമചന്ദ്രന്‍, പി. കരുണാകരന്‍, കെ.കെ രാഗേഷ്, റിച്ചാര്‍ഡ് ഹേ, മേയര്‍ ഇ.പി പങ്കെടുക്കും.