കൊയിലാണ്ടി: പൊയില്‍ക്കാവ് ദുര്‍ഗ്ഗാദേവി ക്ഷേത്ര മഹോത്സവത്തിന്റെ ഭാഗമായി ദേശീയപാതയില്‍ ഇന്ന്  ഉച്ചയ്ക്ക് മൂന്നു മുതല്‍ രാത്രി 7.30 വരെ ഗതാഗത നിയന്ത്രണമേര്‍പ്പെടുത്തി. കോഴിക്കോട് ഭാഗത്തുനിന്നു കൊയിലാണ്ടി ഭാഗത്തേക്കു വരുന്ന ഹെവി വാഹനങ്ങള്‍ പാവങ്ങാട്, അത്തോളി, ഉള്ള്യേരി  കൊയിലാണ്ടി വഴി പോകണം. ലൈറ്റ് വാഹനങ്ങള്‍ തിരുവങ്ങൂര്‍, കുനിയില്‍ കടവ്, ഉള്ള്യേരി കൊയിലാണ്ടി വഴി പോകണം. കൊയിലാണ്ടിയില്‍ നിന്ന് കോഴിക്കോട് ഭാഗത്തേക്കു പോകേണ്ട വാഹനങ്ങള്‍ കൊയിലാണ്ടി മാര്‍ക്കറ്റ് റോഡ് ജങ്ഷനില്‍ നിന്നു തിരിഞ്ഞ് ബീച്ച് റോഡ് വഴി കാപ്പാട് തിരുവങ്ങൂര്‍ വഴി പോകേണ്ടതാണെന്ന് കൊയിലാണ്ടി സര്‍ക്കിള്‍ ഇന്‍സ്‌പെക്ടര്‍ അറിയിച്ചു.