കല്‍പ്പറ്റ: കോപ്പ അമേരിക്ക ശതാബ്ദി ടൂര്‍ണമെന്റില്‍ കിരീടം നേടാനുള്ള സാധ്യത അര്‍ജന്റീനയ്‌ക്കെന്ന് ഇന്ത്യന്‍ ഫുട്‌ബോള്‍ താരം മുഹമ്മദ് റാഫി. കല്‍പ്പറ്റയില്‍ പുതുതായി ആരംഭിച്ച അഡ്രസ് മെന്‍സ് അപ്പാരലിന്റെ ഉദ്ഘാടനത്തിനെത്തിയതായിരുന്നു ഇന്ത്യയുടെയും കേരള ബ്ലാസ്‌റ്റേഴ്‌സിന്റെയും സ്‌ട്രൈക്കറായ റാഫി.
ടീമെന്ന നിലയില്‍ നല്ല ഒത്തിണക്കത്തോടെയാണ് അര്‍ജന്റീന ഇപ്പോള്‍ കളിക്കുന്നത്.
മാത്രമല്ല ക്യാപ്റ്റന്‍ ലയണല്‍ മെസിയെ കൂടാതെ തന്നെ ആദ്യ മത്സരത്തില്‍ ചിലിയെ തോല്‍പ്പിച്ചതിന്റെ ആത്മവിശ്വാസവും അര്‍ജന്റീനയ്ക്കുണ്ട്. ടീമെന്ന നിലയില്‍ അര്‍ജന്റീനയുടെ ഈ ഒത്തിണക്കം ഫൈനലില്‍ വ്യക്തമായ മാര്‍ജിനില്‍ ജയിക്കാന്‍ അവരെ സഹായിക്കും.
പരുക്ക് ഭേദമായി ടീമിലെത്തുന്ന എയ്ഞ്ചല്‍ ഡി മരിയ കൂടി മുന്നേറ്റത്തിലെത്തുന്നതോടെ അര്‍ജന്റീനയെ പിടിച്ച് കെട്ടുക ചിലിക്ക് പ്രയാസമായിരിക്കും.