കൂടരഞ്ഞി: കൂമ്പാറ റബര്‍ സൊസൈറ്റിയുടെ നേതൃത്വത്തില്‍ കര്‍ഷകര്‍ക്ക് റബര്‍ മരത്തില്‍ പ്ലാസ്റ്റിക് ഇട്ട് (റെയിന്‍ ഗാര്‍ഡ്) റബര്‍ ഉല്‍പാദനം കൂട്ടുന്നതു സംബന്ധിച്ചും റബര്‍ മരത്തിന് വര്‍ഷകാലത്ത് ഉണ്ടാകുന്ന രോഗങ്ങളെയും പ്രതിവിധികളെയും സംബന്ധിച്ചും പരിശീലനം നല്‍കി.
റബര്‍ സംഘം പ്രസിഡന്റ് സിജോ ജോസഫ് പാറംമ്പുഴ അധ്യക്ഷനായി. റബര്‍ ബോര്‍ഡ് ഫീല്‍ഡ് ഓഫിസര്‍ ശാന്തിനി കമലം, ട്രെയിനര്‍ സജീവന്‍, സംഘം വൈസ് പ്രസിഡന്റ് ഷാജി ജോസഫ് കിഴക്കരക്കാട്ട്, ഡയരക്ടര്‍മാരായ ആന്റണി തുരുത്തി പള്ളിയില്‍, ഫ്രാന്‍സിസ് ചാലസ് സംസാരിച്ചു.