തേഞ്ഞിപ്പലം: എസ്.കെ.എസ്.ബി.വി മാര്‍ച്ച് 22 മുതല്‍ മെയ് 22 വരെ സംഘടിപ്പിക്കുന്ന ജലദിന കാംപയിനിന്റെ സംസ്ഥാനതല ഉദ്ഘാടനം ഇന്നു രാവിലെ എട്ടിന് കണ്ണൂര്‍ പാലത്തിങ്കരയില്‍ പ്രസിഡന്റ് പാണക്കാട് സയ്യിദ് അസീല്‍അലി ശിഹാബ് തങ്ങള്‍ നിര്‍വഹിക്കും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും.
എസ്.കെ.ജെ.എം.സി.സി സെക്രട്ടറി കൊടക് അബ്ദുറഹ്മാന്‍ മുസ്‌ലിയാര്‍ പ്രമേയ പ്രഭാഷണം നടത്തും. ശുചിത്വമിഷന്‍ അസി. കോഡിനേറ്റര്‍ സുരേഷ് കസ്തൂരി മുഖ്യാതിഥിയാകും. സമസ്ത കേന്ദ്ര മുശാവറ അംഗം കെ.കെ.പി അബ്ദുല്ല മുസ്‌ലിയാര്‍ അനുഗ്രഹ പ്രഭാഷണം നടത്തും. അഫ്‌സല്‍ രാമന്തളി, അഹ്മദ് തേര്‍ളായി, ബശീര്‍ അസ്അദി, ഫത്താഹ് ദാരിമി, അബ്ദുശുക്കൂര്‍ ഫൈസി, മനാഫ് കോട്ടോപ്പാടം, റിസാല്‍ദര്‍ അലി ആലുവ, ജുനൈദ് ചാലാട്, സജീര്‍ കാടാച്ചിറ, ജലീല്‍ ഹസനി, മുഹമ്മദ് ഇബ്‌നു ആദം, പി.ടി മുഹമ്മദ് മാസ്റ്റര്‍ സംസാരിക്കും.