സിയോള്‍: ഉഗ്രശേഷിയുള്ള റോക്കറ്റുമായി വീണ്ടും ഉത്തരകൊറിയ. രാജ്യത്തിന്റെ വാര്‍ത്താ വിതരണ വിഭാഗമാണ് റോക്കറ്റ് വിക്ഷേപണം ഔദ്യോഗികമായി അറിയിച്ചത്. ലോകം മുഴുവന്‍ തങ്ങളുടെ സംഭവ ബഹുലമായ മഹത്തായ വിജയത്തിനാണ് ഇന്ന് സാക്ഷിയായതെന്ന് ഉത്തര കൊറിയന്‍ സ്ഥാനപതി കിം ജോങ് ഉന്‍ പറഞ്ഞു.

ശാസ്ത്ര രംഗത്തും സാങ്കേതിക രംഗത്തും ലോകത്തെ സാറ്റലൈറ്റ് വിക്ഷേപണവുമായി മത്സരിക്കാനുള്ള തരത്തിലുള്ള റോക്കറ്റാണ് വിക്ഷേപിച്ചതെന്നും അദ്ദേഹം പറഞ്ഞു. പുതിയ സാറ്റലൈറ്റ് റോക്കറ്റ് തയാറാക്കുന്നതിന്റെ പ്രവൃത്തി പുരോഗമിക്കുകയാണെന്നും അധികൃതര്‍ അറിയിച്ചു. ആയുധ പരീക്ഷണത്തിനു വേണ്ടിയുള്ള റോക്കറ്റ് വിക്ഷേപണമാണ് ഉത്തരകൊറിയ നടത്തിയതെന്നാണ് ശാസ്ത്ര നിരീക്ഷകര്‍ അഭിപ്രായപ്പെട്ടത്. റോക്കറ്റ് എന്‍ജിനുകള്‍ വീണ്ടും മിസൈലുകള്‍ക്ക് വേണ്ടി പുനരുപയോഗിക്കാറാണ് പതിവ്.