ന്യൂഡല്‍ഹി: ഇന്ത്യാ ചരിത്രത്തില്‍ ഇരുട്ടിന്റെ മണിക്കൂറുകളായിരുന്നു അടിയന്തരാവസ്ഥയെന്ന് പ്രധാനമന്ത്രി നരേന്ദ്ര മോദി. ജനാധിപത്യമാണ് നമ്മുടെ ശക്തിയെന്നും മോദി മന്‍ കി ബാത്ത് പരിപാടിയില്‍ പറഞ്ഞു.

ഇന്ന് നമ്മുടെ ജനാധിപത്യത്തില്‍ നമ്മള്‍ അഭിമാനിക്കുകയാണ്. പക്ഷെ 1975 ജൂണ്‍ 25 ഇന്ത്യന്‍ ജനാധിപത്യത്തിന്റെ ഇരുണ്ട മണിക്കൂറുകളായിരുന്നു. പൗരന്മാരുടെ അവകാശങ്ങളെ കൊന്നു, രാജ്യം ജയിലിലേക്കു പോയി- മോദി പറഞ്ഞു.

ജയപ്രകാശ് നാരായണനോടൊപ്പം ലക്ഷക്കണക്കിന് ജനങ്ങളും ആയിരക്കണക്കിന് നേതാക്കളും അഴിക്കുള്ളിലായി. നമ്മുടെ ജനാധിപത്യത്തിന്റെ ശക്തിയെ ഒരിക്കലും മറക്കരുതെന്നും മോദി പറഞ്ഞു.