മലപ്പുറം: കോണ്‍ഫെഡറേഷന്‍ ഓഫ് കേരള കോളജ് ടീച്ചേഴ്‌സ് ഏഴാം സംസ്ഥാന സമ്മേളനത്തിന് മലപ്പുറത്ത് തുടക്കമായി.
 സമ്മേളനത്തിന്റെ രണ്ടാം ദിനത്തില്‍ 'യു.ജി.സി എ.പി.ഐ പദ്ധതിയും അധ്യാപക പ്രൊമോഷനും' വിഷയത്തില്‍ ഡോ. യു. സൈതലവിയും 'മതേതര വിദ്യാഭ്യാസം സമര്‍പ്പിത മുന്നേറ്റം' വിഷയത്തില്‍ അഡ്വ. കെ.എന്‍.എ ഖാദറും മുജീബ് കാടേരിയും സംസാരിച്ചു. പാണക്കാട് സയ്യിദ് മുനവ്വറലി ശിഹാബ് തങ്ങള്‍, പി.വി അബ്ദുല്‍ വഹാബ് എം.പി മുഖ്യാതിഥികളായിരുന്നു. വൈകിട്ട് മലപ്പുറം നഗരത്തില്‍ ഫാസിസത്തിനെതിരേ നടന്ന തെരുവ് ക്ലാസ് ടി.വി ഇബ്രാഹിം എം.എല്‍.എ ഉദ്ഘാടനം ചെയ്തു. അഡ്വ. പി.എം.എ സലാം ക്ലാസെടുത്തു. വിവിധ സെഷനുകളില്‍ ഡോ. റെജികുമാര്‍, സി.കെ.സി.ടി മലപ്പുറം ജില്ലാ പ്രസിഡന്റ് ഡോ. എം.കെ അബ്ദുറഹീം, ജില്ലാ സെക്രട്ടറി മുഹമ്മദ് ബഷീര്‍, പ്രൊഫ. പി. റഷീദ് അഹമ്മദ്, പ്രൊഫ. ഇബ്രാഹിം സാലിം, പ്രൊഫ. ഷബീറലി, പ്രൊഫ. കെ. കെ സൈജല്‍, പ്രൊഫ. ബഷീര്‍, ഡോ. ഹുസൈന്‍ കൂരിമണ്ണില്‍, കെ.സഫറുല്ല പ്രസംഗിച്ചു.