ദക്കാര്‍: സൂഫി ആത്മീയ സരണിയായ തീജാനി ത്വരീഖത്തിലെ പ്രമുഖ പണ്ഡിതന്‍ ശൈഖ് അഹ്മദ് തീജാനി ബിന്‍ അലി സെനഗലില്‍ അന്തരിച്ചു. 91 വയസായിരുന്നു.
തലസ്ഥാനമായ ദക്കാറില്‍നിന്ന് 90 കി.മീറ്റര്‍ അകലെയുള്ള തിവാവൂനെയിലെ വസതിയില്‍ വച്ചായിരുന്നു നിര്യാണം. അല്‍ മഖ്തൂം എന്ന പേരിലും അറിയപ്പെടുന്ന ശൈഖ് അഹ്മദിന് പടിഞ്ഞാറന്‍ ആഫ്രിക്കയിലുടനീളം ദശലക്ഷക്കണക്കിന് അനുയായികളുണ്ട്.
2012ല്‍ സഹോദരന്‍ ശൈഖ് മന്‍സൂര്‍ അന്തരിച്ച ശേഷമാണ് സൂഫി സരണിയുടെ അധിപനായി അദ്ദേഹം തിരഞ്ഞെടുക്കപ്പെട്ടത്.