കല്‍പ്പറ്റ: നൈപുണ്യ വികസനത്തിലൂടെ വിദ്യാര്‍ത്ഥികളുടെ ജോലി സാദ്ധ്യതയും തൊഴില്‍ക്ഷമതയും വര്‍ധിപ്പിക്കുന്നതിനായി നാഷണല്‍ സ്‌കില്‍ ക്വാളിഫിക്കേഷന്‍ ഫ്രൈയിം വര്‍ക്ക് പ്രകാരമുള്ള സ്‌കില്‍ ട്രെയിനിങ് കോഴ്‌സുകള്‍ രൂപകല്‍പന ചെയ്ത് നടപ്പാക്കുന്നതിന് സംസ്ഥാനത്തെ എന്‍ജിനീയറിംങ്, പോളിടെക്‌നിക് കോളേജുകളില്‍നിന്ന് അപേക്ഷ ക്ഷണിച്ചു.
അസാപ്പിന്റെ (അഡീഷണല്‍ സ്‌കില്‍ അക്വിസിഷന്‍ പ്രോഗ്രോം) ഡാറ്റ് (ഡിസൈന്‍ അലൈന്‍ ആന്റ് ട്രയിന്‍) സ്‌കീമിലൂടെയാണ് സര്‍ക്കാര്‍ സഹായത്തോടെ പ്രൊഫഷണല്‍ കോളജുകള്‍ വഴി പദ്ധതി നടപ്പാക്കുന്നത്.
വ്യാവസായിക മേഖലകളുടെ പങ്കാളിത്തവും ഇതില്‍ ഉറപ്പ് വരുത്തും. പദ്ധതിയിലൂടെ തെരഞ്ഞെടുക്കുന്ന കോളജുകളിലെ അധ്യാപകര്‍ക്ക് ഉയര്‍ന്ന നിലവാരത്തിലുള്ള പരിശീലനം നല്‍കി മാസ്റ്റര്‍ ട്രെയിനറാകാനും അവസരം നല്‍കും. താല്‍പര്യമുള്ളവര്‍ ഇന്ന് a-sapkerala.gov.in ല്‍ അപേക്ഷ സമര്‍പ്പിക്കണം.