ന്യൂഡല്‍ഹി: വിജയ് ഹസാരെ ട്രോഫി ഫൈനലില്‍ തമിഴ്‌നാട്- ബംഗാള്‍ ഫൈനല്‍. ആദ്യ സെമിയില്‍ തമിഴ്‌നാട് ബറോഡയെ ആറു വിക്കറ്റിനു കീഴടക്കിയപ്പോള്‍ രണ്ടാം സെമിയില്‍ ജാര്‍ഖണ്ഡിനെ 41 റണ്‍സിനു പരാജയപ്പൈടുത്തിയാണു ബംഗാള്‍ ഫൈനലിലേക്കു മുന്നേറിയത്. ഫൈനല്‍ നാളെ നടക്കും.
ബംഗാള്‍ നാലിനു 329 റണ്‍സെടുത്തപ്പോള്‍ ജാര്‍ഖണ്ഡ് 288 റണ്‍സില്‍ പൊരുതി വീണു. നായകന്‍ ധോണി 62 പന്തില്‍ 70 റണ്‍സടിച്ച് ടോപ് സ്‌കോററായി. ബംഗാളിനായി ഓപണര്‍മാര്‍മാരായ ശ്രീവത്സ് ഗോസ്വാമി, അഭിമന്യു ഈശ്വരന്‍ എന്നിവര്‍ 101 റണ്‍സ് വീതം നേടി.
ആദ്യ സെമിയില്‍ ബറോഡ 219 റണ്‍സില്‍ പുറത്തായപ്പോള്‍ തമിഴ്‌നാട് നാലു വിക്കറ്റ് നഷ്ടത്തില്‍ 220 റണ്‍സെടുത്തു വിജയിച്ചു.