മാഡ്രിഡ്: സ്പാനിഷ് ലാ ലിഗയില്‍ റയല്‍ മാഡ്രിഡ് വിജയം സ്വന്തമാക്കി. അത്‌ലറ്റിക്ക് ബില്‍ബാവോയെ ഒന്നിനെതിരേ രണ്ടു ഗോളുകള്‍ക്ക് കീഴടക്കിയാണു റയല്‍ വിജയിച്ചത്. 25ാം മിനുട്ടില്‍ കരിം ബെന്‍സമയിലൂടെ മുന്നിലെത്തിയ റയലിനെ രണ്ടാം പകുതിയില്‍ സമനിലയില്‍ തളക്കാന്‍ ബില്‍ബാവോയ്ക്ക് സാധിച്ചെങ്കിലും അവരുടെ ആഹ്ലാദത്തിനു ആയുസില്ലായിരുന്നു. 68ാം മിനുട്ടില്‍ കാസെമിറോയുടെ ഗോളില്‍ റയല്‍ വിജയം ഉറപ്പിച്ചു. 27ാം പോരാട്ടം അവസാനിച്ചപ്പോള്‍ 65 പോയിന്റുമായി റയല്‍ ഒന്നാം സ്ഥാനത്തു മുന്നില്‍ നില്‍ക്കുന്നു. രണ്ടാമതുള്ള ബാഴ്‌സലോണയ്ക്ക് ഇത്രയും മത്സരത്തില്‍ നിന്നു 60 പോയിന്റ്.
മറ്റു മത്സരങ്ങളില്‍ ലാസ് പല്‍മാസ് 1-0ത്തിനു വിയ്യാറലിനെ കീഴടക്കി. എയ്ബര്‍- എസ്പാന്യോള്‍ പോരാട്ടം 1-1നു സമനില.