റിയാദ്: പച്ചക്കറി കയറ്റിപ്പോയ വാന്‍ നിയന്ത്രണം വിട്ട് മറിഞ്ഞ് മലയാളി പ്രവാസി മരിച്ചു. കൊല്ലം പത്തനാപുരം കുണ്ടയം മുക്കേന്താട് സ്വദേശി മുഹ്‌സിന്‍ (45) ആണ് മരിച്ചത്. ശനിയാഴ്ച ഉച്ചയോടെ ആണ് അപകടം നടന്നത്. റിയാദില്‍ നിന്ന് ഹാഇലിലേക്ക് പച്ചക്കറി കയറ്റി പോകുകയായിരുന്നു മുഹ്‌സിന്‍. യാത്രക്കിടെ വാന്‍ നിയന്ത്രണം വിട്ട് പോസ്റ്റില്‍ ഇടിക്കുകയായിരുന്നു. റിയാദ് ഖസീം റോഡിലാണ് അപകടം നടന്നത്. മൃതദേഹം ശുമൈസി ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. മൃതദേഹം നാട്ടില്‍ കൊണ്ടുപോകാനുള്ള നടപടികള്‍ നടത്തിവരുന്നു. നിഷിയാണ് ഭാര്യ. മക്കള്‍: ആഷിഖ്, അര്‍ഷിഖ്.