പറവൂര്‍: വരാപ്പുഴ കസ്റ്റഡി മരണക്കേസ്സില്‍ റിമാന്‍ഡിലായ വരാപ്പുഴ മുന്‍ എസ്.ഐ ജി.എസ്. ദീപക്കിന്റെയും മറ്റ് പൊലിസുകാരുടേയും റിമാന്‍ഡ് കാലാവധി നീട്ടി. ഈ മാസം 30 വരെയാണ് പറവൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി 3 നീട്ടിയത്. കേസിലെ നാലാം പ്രതിയായ ദീപക്കിനെ കഴിഞ്ഞ ആഴ്ചയാണ് റിമാന്‍ഡ് ചെയ്തത്.
കസ്റ്റഡിയിലെടുത്ത ശ്രീജിത്തിനെ വരാപ്പുഴ എസ്.ഐയായിരുന്ന ദീപക്ക് ക്രൂരമായി മര്‍ദിച്ചതായുള്ള കൂട്ടുപ്രതികളുടെ മൊഴിയെത്തുടര്‍ന്നാണ് ദീപക്കും മറ്റ് ആര്‍.ടി.എഫ് അംഗങ്ങളായ പൊലിസുകാരും അറസ്റ്റിലായത്. അന്യായമായ തടങ്കല്‍, മര്‍ദനം, കൊലപാതകം എന്നീ വകുപ്പുകളാണ് ചുമത്തിയിരിക്കുന്നത്.