റിയാദ്: വിവിധ ഏഷ്യന്‍ രാജ്യങ്ങളിലെ പര്യടനം പൂര്‍ത്തിയാക്കി സഊദി ഭരണാധികാരി സല്‍മാന്‍ ഇബ്‌നു അബ്ദുല്‍ അസീസ് അല്‍ സഊദ് സഊദിയില്‍ തിരിച്ചെത്തി. ഒരു മാസം നീണ്ടുനിന്ന ഏഷ്യന്‍ പര്യടനമാണ് പൂര്‍ത്തിയായത്. ഇന്തോനേഷ്യ, ജപ്പാന്‍, ബ്രൂണൈ, മലേഷ്യ, ചൈന തുടങ്ങിയ രാജ്യങ്ങള്‍ സന്ദര്‍ശിച്ച ശേഷം ശനിയാഴ്ചയാണ് അദ്ദേഹം സഊദിയിലേക്കു മടങ്ങിയത്.

സന്ദര്‍ശനത്തിനിടയില്‍ വിവിധ രാജ്യങ്ങളുമായി നിരവധി കരാറുകളിലും സഊദി ഒപ്പു വെച്ചിട്ടുണ്ട്. ബഹിരാകാശ നിരീക്ഷണം, നൂതന ഊര്‍ജ ഉല്‍പാദനം, അണുവായുധ കെടുതികള്‍ തടയല്‍ എന്നീ മേഖലയില്‍ ചൈന, ജപ്പാന്‍ രാജ്യങ്ങളുമായും കരാറില്‍ ഏര്‍പ്പെട്ടിട്ടുണ്ട്.