ബംഗളൂരു: കര്‍ണാടകയില്‍ കേവല ഭൂരിപക്ഷത്തിന് എട്ട് സീറ്റുകൂടി വേണമെന്നരിക്കെ, ബി.ജെ പിയെ പറ്റിച്ചത് ഒരു ഡസന്‍ മണ്ഡലങ്ങള്‍. 3000ല്‍ താഴെ ഭൂരിപക്ഷത്തിനാണ് ഇവിടങ്ങളില്‍ അവര്‍ തോറ്റത്. 213 വോട്ടിനാണ് മസ്‌കി മണ്ഡലത്തില്‍ കോണ്‍ഗ്രസിനോട് തോറ്റത്. ഹിരേക്കേരൂരില്‍ 555 വോട്ടിനും ബദാമിയില്‍ 1696നും ശൃംഗേരിയില്‍ 1989 വോട്ടിനുമാണ് ബി.ജെ.പി സ്ഥാനാര്‍ഥികള്‍ തോറ്റത്. ബെള്ളാരിയില്‍ 2,679 വോട്ടിനും പരാജയപ്പെട്ടു. അതേസമയം 3000ല്‍ താഴെ വോട്ടുകള്‍ക്ക് കോണ്‍ഗ്രസിന് മേല്‍ ബി.ജെ.പി വിജയം നേടിയ രണ്ട് മണ്ഡലങ്ങളുണ്ട്. മൂന്ന് മണ്ഡലങ്ങളില്‍ നേരിയ ഭൂരിപക്ഷത്തിനാണ് കോണ്‍ഗ്രസിനെ ജനതാദള്‍(എസ് )തോല്‍പിച്ചത്.