മലപ്പുറം: സംസ്ഥാന ഹജ്ജ് കമ്മറ്റി മുഖേന ഹജ്ജിന് പോകനായി 367 പേര്‍ക്ക് നറുക്കെടുപ്പിലൂടെ അവസരം.നറുക്കെടുപ്പിലൂടെ അവസരം ലഭിച്ചവരും, വെയിറ്റിംഗ് ലിസ്റ്റില്‍ ഒന്നുമുതല്‍ ആയിരം വരെയുളള അപേക്ഷകരും അവരുടെ പാസ്‌പോര്‍ട്ടുകള്‍ ഒരു ഫോട്ടോ സഹിതം ഏപ്രില്‍ 5നകം ഹജ്ജ് കമ്മറ്റി ഓഫിസില്‍ നേരിട്ട് എത്തിക്കണം.

കേരളത്തില്‍ നിന്ന് ഈ വര്‍ഷം ഹജ്ജിന് അപേക്ഷിച്ചത് 95235 പേരായിരുന്നു.ഹജ്ജ് ക്വാട്ട 11,197 സീറ്റുകളും.ഇവരില്‍ 70 വയസ്സിന് മുകളില്‍ പ്രായമുളള റിസര്‍വ്വ് എ.കാറ്റഗറിയില്‍ പെട്ട 1740 പേര്‍ക്കും,റിസര്‍വ്വ് ബി കാറ്റഗറിയില്‍ പെട്ട തുടര്‍ച്ചയായ അഞ്ചാം വര്‍ഷക്കാരായ 9090 പേരും ഉള്‍പ്പടെ 10,830 പേര്‍ക്ക് നേരിട്ട് നറുക്കെടുപ്പില്ലാതെ അവസരം നല്‍കി.ശേഷിച്ച 367 സീറ്റിലേക്കാണ് ഇന്നലെ തെരഞ്ഞെടുപ്പ് നടന്നത്.തുടര്‍ന്ന് രണ്ടു വെയ്റ്റിംഗ് ലിസ്റ്റ് തയ്യാറാക്കി.നാലാം വര്‍ഷ അപേക്ഷകരായ റിസര്‍വ്വ് ബി വിഭാഗത്തില്‍ പെട്ട 14391 പേരില്‍ നിന്ന് 1000 പേരാണ് ആദ്യ വെയ്റ്റിംഗില്‍ ലിസ്റ്റില്‍ ഉള്‍പ്പെട്ടിട്ടുളളത്. കൂടുതല്‍ ഹജ്ജ് സീറ്റുകള്‍ ലഭിക്കുന്ന മുറക്ക് വെയ്റ്റിംഗ് ലിസ്റ്റില്‍ നിന്ന് മുന്‍ഗണന പ്രകാരം തീര്‍ത്ഥാടകര്‍ക്ക് അവസരം നല്‍കും.

നറുക്കെടുപ്പിലൂടെ തെരഞ്ഞെടുക്കപ്പെട്ടവരുടെ കവര്‍ നമ്പര്‍

വെയിറ്റിംഗ് ലിസ്റ്റില്‍ ഉള്‍പ്പെട്ടവര്‍