ജിദ്ദ: ലൈല അഫ് ലാജിലെ ദാഖല്‍ മഅദൂദില്‍ നിന്ന് കാണാതായ പാലക്കാട് സ്വദേശിയെ മരിച്ചനിലയില്‍ കണ്ടെത്തി. പാലക്കാട് ശ്രീകൃഷ്ണപുരം കോട്ടപ്പുറം സ്വദേശി പരിയാരത്ത് രാമകൃഷ്ണന്‍ സുന്ദരി ദമ്പതികളുടെ മകനായ നിധീഷിനെ (24)യാണ് ലൈല അഫ്‌ലാജിലെ നഗരസഭ പാര്‍ക്കിന് സമീപമുള്ള മരത്തില്‍ തൂങ്ങി മരിച്ച നിലയില്‍ കണ്ടെത്തിയത്.

റിയാദില്‍ നിന്നു 350 കിലോമീറ്റര് അകലെയുള്ള ലൈല അഫ്‌ലാജില്‍ ഒരു സ്വദേശിയുടെ വീട്ടില്‍ ജോലിക്കാരനായിരുന്ന ഇയാളെ ജോലി സ്ഥലത്ത് നിന്ന് കാണാതാവുകയായിരുന്നു. നിധീഷിനെ കുറിച്ച് അന്വേഷണം തുടരുന്നതിനിടയിലാണ് മരിച്ച നിലയില്‍ പൊലിസ് കണ്ടെത്തിയത്. മൃതദേഹം അഫ്‌ലാജ് സെന്‍ട്രല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്,