ഇരിക്കൂര്‍: കനത്തമഴയില്‍ പൈസായിയിലും കല്യാട്ടും മതിലുകള്‍ തകര്‍ന്ന് റോഡിലേക്ക് വീണു. പെരുവളത്ത് പറമ്പ് പെട്രോള്‍ പമ്പ് ബ്ലാത്തൂര്‍ റോഡിന് സമീപത്തെ ലിറ്റില്‍ മൈനാര്‍ സെമിനാരിക്കടുത്ത കിണാക്കൂല്‍ ക്രഷര്‍ ഉടമകളുടെ ചെങ്കല്‍ മതില്‍കെട്ടാണ് മഴയില്‍ തകര്‍ന്നത്. ഇതോടെ റോഡ് വഴിയുള്ള ഗാതാഗതവും സ്തഭിച്ചു. അതുപോലെ കല്യാട്ടെ ഒരുസ്വകാര്യ കോളജിന്റെ ചുറ്റുമതിലും കനത്തമഴയില്‍ തകര്‍ന്നു. 20 ഓളം മീറ്റര്‍ വരുന്ന റോഡില്‍ കല്ലുകളും മണ്ണും പതിച്ചു. ബ്ലാത്തൂര്‍, പയ്യാവൂര്‍, ഉളിക്കല്‍ ഭാഗത്തേക്കുള്ള ഗതാഗതവും തടസപ്പെട്ടു.