കോട്ടയം: 1855 മുതല്‍ 1865 വരെ സി.എം.എസ്. കോളജിന്റെ പ്രിന്‍സിപ്പലായിരുന്ന റവ. റിച്ചാര്‍ഡ് കോളിന്‍സിന്റെ സ്മരണയ്ക്കായി മലയാള വിഭാഗം നടത്തുന്ന ഈ വര്‍ഷത്തെ പ്രഭാഷണം കഥാകൃത്ത് സി.വി.ബാലകൃഷ്ണന്‍ നിര്‍വഹിക്കും. ഇന്ന് ഉച്ചയ്ക്ക് രണ്ടിന് ജോസഫ് ഫെന്‍ ഹാളില്‍ 'സാഹിത്യവും സിനിമയും' എന്ന വിഷയത്തില്‍ നടത്തുന്ന പ്രഭാഷണപരിപാടിയില്‍ പ്രിന്‍സിപ്പല്‍ ഡോ. റോയി സാം ഡാനിയേല്‍ അധ്യക്ഷനാകും. മലയാളവിഭാഗം അധ്യക്ഷന്‍ ഡോ. ബാബു ചെറിയാന്‍, കോഓര്‍ഡിനേറ്റര്‍ മിനി മറിയം സഖറിയ സംസാരിക്കും.