കോഴിക്കോട്: നിര്‍മാണ, വ്യാപാര, സേവന മേഖലകളില്‍ അക്കൗണ്ടിങ് സോഫ്ട്‌വെയര്‍ അപ്ലിക്കേഷനുകള്‍ വികസിപ്പിക്കുന്ന കമ്പനിയായ ലോജിയോളജി സൊല്യൂഷന്‍ സൈബര്‍പാര്‍ക്കില്‍ പ്രവര്‍ത്തനം ആരംഭിച്ചു. സൈബര്‍പാര്‍ക്കിലെ സഹ്യാ കെട്ടിട സമുച്ചയത്തില്‍ 1500 ചതുരശ്ര അടിയിലായി 24 പേര്‍ക്ക് തൊഴില്‍ ചെയ്യാനാകുന്ന കമ്പനിയുടെ ഓഫിസിന്റെ ഉദ്ഘാടനം മുന്‍ ഐ.ടി മന്ത്രി പി.കെ കുഞ്ഞാലിക്കുട്ടി എം.പി നിര്‍വഹിച്ചു.
സംസ്ഥാന ഐ.ടി പാര്‍ക്കുകളുടെ ചീഫ് എക്‌സിക്യൂട്ടിവ് ഓഫിസര്‍ ഋഷികേശ് നായര്‍, സൈബര്‍പാര്‍ക്ക് ജനറല്‍ മാനേജര്‍ നിരീഷ്, കമ്പനിയുടെ മാനേജിങ് ഡയറക്ടര്‍ സ്റ്റിനോ ജെയിസ് ചടങ്ങില്‍ പങ്കെടുത്തു.