കോതമംഗലം: ബാലികയെ പീഡിപ്പിച്ച കേസില്‍ യുവാവ് അറസ്റ്റില്‍. അയിരൂര്‍ പാടം മണിയാട്ട് കുടി നൗഷാദ് അബൂബക്കറാണ്(35) ഒമ്പത് വയസുകാരിയെ പീഡിപ്പിച്ച കേസില്‍ അറസ്റ്റിലായത്.
ബുധനാഴ്ച പെണ്‍കുട്ടിയുടെ വീട്ടില്‍ ആരുമില്ലാത്തപ്പോള്‍ എത്തി ഇയാള്‍ പീഡിപ്പിക്കുകയായിരുന്നുവെന്ന് പൊലിസ് പറയുന്നു.
പെണ്‍കുട്ടി മാതാപിതാക്കളോട് സംഭവം പറഞ്ഞതിനെതുടര്‍ന്ന് രക്ഷിതാക്കള്‍ കോതമംഗലം പൊലിസിന് നല്‍കിയ പരാതിയിലാണ് നൗഷാദിനെ കസ്റ്റഡിയിലെടുത്തത്. എസ്.ഐ ബേസില്‍ തോമസിന്റെ നേതൃത്വത്തില്‍ ഇയാളെ ചോദ്യം ചെയ്തു വരികയാണ്. പെണ്‍കുട്ടിയില്‍ നിന്നും വനിതാ പൊലിസ് വിവരങ്ങള്‍ ശേഖരിച്ചതനുസരിച്ച് പോക്‌സോ നിയമപ്രകാരം കേസെടുത്ത് പ്രതിയുടെ അറസ്റ്റ് രേഖപ്പെടുത്തി. തുടര്‍നടപടികള്‍ പൂര്‍ത്തിയാക്കിയ ശേഷം ഇയാളെ കോടതിയില്‍ ഹാജരാക്കുമെന്ന് കോതമംഗലം പൊലിസ് അറിയിച്ചു.