കായംകുളം: ചാരായവും കോടയും വിദേശമദ്യവും പിടികൂടി ഒരാള്‍ അറസ്റ്റില്‍. പുതുപ്പള്ളി ഗോപാലശേരില്‍ അനി എന്നു വിളിക്കുന്ന തുളസീദാസ് (48) ആണ് പിടിയിലായത്. ഇയാളുടെ വീട്ടില്‍ സൂക്ഷിച്ചിരുന്ന 145 ലിറ്റര്‍ കോടയും ഒന്നര ലിറ്റര്‍ ചാരായവും ഒമ്പത് ലിറ്റര്‍ വിദേശമദ്യവുമാണ് എക്‌സൈസ് സംഘം പിടികൂടിയത്. ചാരായം വാറ്റാനുപയോഗിച്ച വാറ്റ് ഉപകരണങ്ങളും കണ്ടെടുത്തു. പുതുപ്പള്ളി കേന്ദ്രീകരിച്ച് വ്യാജമദ്യ വില്‍പ്പനയും വാറ്റും വ്യാപകമായി നടക്കുന്നതായി എക്‌സൈസിനു വിവരം ലഭിച്ചതിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇവ പിടികൂടിയത്.
പുതുപ്പള്ളിയിലെ പല ഭാഗങ്ങളിലും വീടുകളും കടകളും കേന്ദ്രീകരിച്ച് വ്യാജമദ്യ ചില്ലറ വില്‍പ്പനയും നിരോധിത പുകയില വില്‍പ്പനയും നടക്കുന്നതായി നാട്ടുകാര്‍ പറഞ്ഞു.