കല്‍പ്പറ്റ: സൗത്ത് ഇന്ത്യന്‍ കോഫി ഗ്രോവേഴ്‌സ് അസോസിയേഷന്‍ 19ാം വാര്‍ഷിക സമ്മേളനം നാളെ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. വിന്‍ഡ് വാലി റിസോര്‍ട്ടില്‍ രാവിലെ 10ന് സി.കെ ശശീന്ദ്രന്‍ എം.എല്‍.എ സമ്മേളനം ഉദ്ഘാടനം ചെയ്യും. കോഫി ബോര്‍ഡ് മുന്‍ വൈസ് ചെയര്‍മാനും നാളികേര വികസന ബോര്‍ഡ് വൈസ് ചെയര്‍മാനുമായ പി.സി മോഹനന് സ്വീകരണം നല്‍കും. പ്രാഫ. കെ.പി തോമസ് മികച്ച കര്‍ഷകരെ ആദരിക്കും. സമ്മേളനത്തോടനുബന്ധിച്ച് കാപ്പി കൃഷി വികസനം മുന്‍നിര്‍ത്തി കാര്‍ഷിക രംഗത്തെ പ്രമുഖര്‍ പങ്കെടുക്കുന്ന സെമിനാര്‍ നടത്തും. ഇന്ത്യയിലെ കാപ്പി കര്‍ഷകര്‍ സങ്കീര്‍ണങ്ങളായ പ്രതിസന്ധികളെ നേരിട്ടുകൊണ്ടിരിക്കുകയാണ്. ഉല്‍പാദനച്ചെലവിന്റെ അടിസ്ഥാനത്തില്‍ കാപ്പിക്കുരുവിന് ന്യായവില ലഭിക്കുന്നില്ല. കാപ്പികൃഷി വികസനത്തിനായി കേന്ദ്ര-കേരള സര്‍ക്കാരുകള്‍ നടപ്പാക്കുന്ന പദ്ധതികള്‍ ഫലപ്രാപ്തിയിലെത്തുന്നില്ല. ഇതിന് പരിഹാരം കാണണമെന്നും അവര്‍ ആവശ്യപ്പെട്ടു.