വേങ്ങര: ആദിവാസി പാരമ്പര്യകലാ പരിപോഷണ കേന്ദ്രം കനവിലെ കലാകാരന്‍മാര്‍ക്കും വിദ്യാര്‍ഥികള്‍ക്കും കനിവുറവയുമായി ഇരുമ്പുചോല എ.യു.പി സ്‌കൂള്‍ വിദ്യാര്‍ഥികള്‍. വയനാട്ടില്‍ പഠനയാത്രക്കെത്തിയ വിദ്യാര്‍ഥികളും അധ്യാപകരും ചേര്‍ന്ന 64 അംഗ സംഘമാണ് പനമരം കനവ് കേന്ദ്രത്തിലെത്തിയത്.
തനിമയാര്‍ന്ന കലാ വിസ്മയങ്ങളുമായി സംഘത്തെ പാരമ്പര്യ കലാകാരന്‍മാര്‍ അതിശയിപ്പിച്ചു. വിദ്യാര്‍ഥി കലാകാരന്‍മാര്‍ക്ക് പഠനയാത്രാ സംഘത്തിലെ അംഗങ്ങള്‍ സമാഹരിച്ച സാമ്പത്തിക സഹായം പി.ടി.എ പ്രസിഡന്റ് കെ ഹനീഫ കൈമാറി. ടി.പി അബ്ദുല്‍ ഹഖ്, എ.വി ഇസ്ഹാഖ്, കെ.കെ ഹംസക്കോയ, പി.കെ മുഹമ്മദ്, വി. മുനീര്‍, പി.ടി അനസ്, എം. ഷഫീഖ്, സി. സജി, എം. റഹീമ, കെ നുസൈബ സംസാരിച്ചു.