വളാഞ്ചേരി: വാട്‌സ് ആപ് ഗ്രൂപ്പ് കൂട്ടായ്മയുടെ നേതൃത്വത്തില്‍ മുച്ചക്രവാഹനം വിതരണം ചെയ്തു. അപകടത്തില്‍പെട്ട് അരയ്ക്ക് താഴെ തളര്‍ന്ന യുവാവിനാണ് വളാഞ്ചേരീസ് എന്ന വാട്‌സ് ആപ് കൂട്ടായ്മ താങ്ങായത്. കേവലം രണ്ട് മണിക്കൂര്‍ കൊണ്ടാണ് മുച്ചക്രവാഹനത്തിനുള്ള തുക ഈ കൂട്ടായ്മയ്ക്ക് സ്വരൂപിച്ചത്.
മന്ത്രി കെ.ടി ജലീലില്‍ നിന്നു മുച്ചക്രവാഹനത്തിന്റെ താക്കോല്‍ ആബിദ് ഹുസൈന്‍ തങ്ങള്‍ എം.എല്‍.എ ഏറ്റുവാങ്ങി. നഗരസഭ ചെയര്‍പേഴ്‌സണ്‍ എം ഷാഹിന ടീച്ചര്‍, കോണ്‍ഗ്രസ് നേതാവ് പറശ്ശേരി അസൈനാര്‍, വളാഞ്ചേരീസ് ഗ്രൂപ്പ് അംഗങ്ങളായ വി.പി സാലിഹ്, ശരീഫ് പാലോളി, സലാം വളാഞ്ചേരി സംബന്ധിച്ചു. മന്ത്രി കെ.ടി ജലീല്‍, ആബിദ് ഹുസൈന്‍ തങ്ങള്‍ എം.എല്‍.എ, ചെയര്‍പേഴ്‌സണ്‍ എം ഷാഹിന, സിനിമാതാരം അനീഷ് ജി മേനോന്‍, എം.ഇ.എസ് മെഡിക്കല്‍ കോളജ് സൂപ്രണ്ട് ഡോ. എന്‍.എം മുജീബ് റഹ്മാന്‍ എന്നിവര്‍ അംഗങ്ങളായ വളാഞ്ചേരീസ് വാട്‌സ് ആപ്പ് കൂട്ടായ്മ ജീവകാരുണ്യ പ്രവര്‍ത്തനം ലക്ഷ്യംവച്ചാണ് പ്രവര്‍ത്തിക്കുന്നത്.