നിലമ്പൂര്‍: കേരളം കണ്ട ഏറ്റവും മോശം മുഖ്യമന്ത്രിയാണ് പിണറായി വിജയനെന്ന്  ആര്യാടന്‍ മുഹമ്മദ്. യൂത്ത് കോണ്‍ഗ്രസ് നിലമ്പൂര്‍ നിയോജകമണ്ഡലം കമ്മിറ്റി  സംഘടിപ്പിച്ച യുവജന മീറ്റ് കോണ്‍ഗ്രസ് ബ്ലോക്ക് ഓഫിസില്‍ ഉദ്ഘാടനം  ചെയ്ത് സംസാരിക്കുകയായിരുന്നു അദ്ദേഹം. കഴിഞ്ഞ പത്തുമാസത്തെ  ഭരണംകൊണ്ടാണ് സംസ്ഥാനത്തെ ഏറ്റവും പ്രതിഛായ കുറഞ്ഞ മുഖ്യമന്ത്രിയെന്ന പേര് പിണറായി നേടിക്കഴിഞ്ഞത്. അദ്ദേഹം പറഞ്ഞു. യൂത്ത് കോണ്‍ഗ്രസ് നിയോജക മണ്ഡലം പ്രസിഡന്റ് മൂര്‍ഖന്‍കുഞ്ഞു  അധ്യക്ഷനായി.
കെ.പി.സി.സി സെക്രട്ടറി വി.എ കരീം, കെ.പി.സി.സി അംഗം ആര്യാടന്‍ ഷൗക്കത്ത്, കെ.എസ്.യു മുന്‍ സംസ്ഥാന പ്രസിഡന്റ് വി.എസ് ജോയി, എം.എ റസാഖ്, ബ്ലോക്ക് പഞ്ചായത്ത് പ്രസിഡന്റ് പി.പി സുഗതന്‍, നഗരസഭാ ചെയര്‍പേഴ്‌സണ്‍ പത്മിനി ഗോപിനാഥ്, എ. ഗോപിനാഥ്, പാലൊളി  മെഹബൂബ്, യൂത്ത് കോണ്‍ഗ്രസ് സംസ്ഥാന സെക്രട്ടറി കെ.ടി അജ്മല്‍, അനീഷ്  കാറ്റാടി, റജീസ്, ഷാജഹാന്‍ പായമ്പാടം സംസാരിച്ചു