മഞ്ചേരി: മലപ്പുറം മണ്ഡലം ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടിയെ വന്‍ഭൂരിപക്ഷത്തോടെ വിജയിപ്പിക്കുന്നതിനുള്ള കര്‍മപദ്ധതികള്‍ക്ക് മുസ്‌ലിം ലീഗ് ഓഫിസില്‍ ചേര്‍ന്ന മണ്ഡലം യു.ഡി.എഫ് കമ്മിറ്റി യോഗം രൂപം നല്‍കി.  23ന് വൈകിട്ട് മൂന്നിന് മണ്ഡലം യു.ഡി.എഫ് കണ്‍വന്‍ഷന്‍ മഞ്ചേരി മുനിസിപ്പല്‍ ടൗണ്‍ഹാളില്‍ നടത്തും.
സ്ഥാനാര്‍ഥി പി.കെ കുഞ്ഞാലിക്കുട്ടി പങ്കെടുക്കും. 24ന് മണ്ഡലത്തിലെ മുഴുവന്‍ പഞ്ചായത്തുകളിലും, പഞ്ചായത്ത് തല കണ്‍വന്‍ഷന്‍ നടക്കും. 25ന് ബൂത്തുതല കണ്‍വന്‍ഷനുകള്‍ പൂര്‍ത്തിയാക്കും.
 ഇന്നു നടക്കുന്ന യു.ഡി.എഫ് കണ്‍വന്‍ഷന്‍ വിജയിപ്പിക്കുന്നതിനും യോഗം തീരുമാനിച്ചു. അഡ്വ.എം.ഉമ്മര്‍ എം.എല്‍.എ ഉദ്ഘാടനം ചെയ്തു. ചെയര്‍മാന്‍ ടി.പി വിജയകുമാര്‍ അധ്യക്ഷനായി. ജനറല്‍ കണ്‍വീനര്‍ വല്ലാഞ്ചിറ മുഹമ്മദാലി സ്വാഗതവും, വല്ലാഞ്ചിറ ഹുസൈന്‍ നന്ദിയും പറഞ്ഞു.
അഡ്വ.യു.എ ലത്തീഫ്, റഷീദ് പറമ്പന്‍, എം.ഇസ്ഹാഖ് കുരിക്കള്‍, പി.നാരായണനുണ്ണി, വി.പി ഫിറോസ്, അഡ്വ.എന്‍.സി ഫൈസല്‍, അപ്പു മേലാക്കം, അന്‍വര്‍ മുള്ളമ്പാറ, ഹനീഫ മേച്ചേരി, എം.കെ അലി, ഇ.ടി മോയിന്‍കുട്ടി, പി.അബ്ദുല്‍ അസീസ്, അഡ്വ.അബൂ സിദ്ധീഖ്, ഗഫൂര്‍ ആമയൂര്‍, അസീസ് ചീരാന്‍തൊടി, എം.അഹമ്മദ്, പി.അവറു, എന്‍.പി മുഹമ്മദ്, വി. ഹംസ, എന്‍.കെ ഹംസ, ടി.എം നാസര്‍, വി.പി അബൂബക്കര്‍, ടി.ഉമ്മര്‍, കെ.കെ.ബി മുഹമ്മദാലി, പി.എച്ച് ഷമീം, കണ്ണിയന്‍ അബൂബക്കര്‍,യൂസുഫ് വല്ലാഞ്ചിറ, സി.ടി ഇബ്രാഹീം, അഡ്വ.എ.പി ഇസ്മായീല്‍, പി.സലീല്‍, എം.ശരീഫ്, ഷൈജല്‍ ആമയൂര്‍ സംസാരിച്ചു.