തൊടുപുഴ: കേരള ഗവണ്‍മെന്റ് നഴ്‌സസ് അസോസിയേഷന്‍ ജില്ലാ സമ്മേളനം തൊടുപുഴ കെഎസ്ടിഎ ഭവനില്‍ നടന്നു. സമ്മേളനത്തിന് മുന്നോടിയായി ജില്ലാ പ്രസിഡന്റ് കെ കെ നിമ്മി പതാക ഉയര്‍ത്തി. അസോസിയേഷന്‍ സംസ്ഥാന ട്രഷറര്‍ സി ജി രാധാകൃഷ്ണന്‍ ഉദ്ഘാടനം ചെയ്തു. ജില്ലാ സെക്രട്ടറി ഉഷാകുമാരി സ്വാഗതവും വൈസ് പ്രസിഡന്റ് പി എസ് പുഷ്പമോള്‍ നന്ദിയും പറഞ്ഞു. സര്‍വീസില്‍നിന്ന് വിരമിച്ച നേഴ്‌സിങ് സൂപ്രണ്ട് ആനീസ് മാത്യുവിന് യാത്രയയപ്പും 2016 ലെ മികച്ച നേഴ്‌സിനുള്ള അവാര്‍ഡ് നേടിയ ഉഷാകുമാരിക്ക് സ്വികരണവും നല്‍കി.
ഭാരവാഹികളായി കെ കെ നിമ്മി (പ്രസിഡന്റ്), ഉഷാകുമാരി (സെക്രട്ടറി), പി കെ ഷീമോള്‍ (ട്രഷറര്‍) എന്നിവരെ തെരഞ്ഞെടുത്തു.