ചെമ്പേരി: മദ്യത്തിനും മയക്കുമരുന്നിനും എതിരേയുള്ള പോരാട്ടങ്ങളില്‍ ജെ.സി.ഐ പോലെയുള്ള അന്തര്‍ദേശീയ സംഘടനകള്‍ കൈകോര്‍ക്കുന്നത് ഉചിതമാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി.
ചെമ്പേരി ജെ.സി.ഐയും ഏരുവേശി സര്‍വിസ് സഹകരണ ബാങ്കും സംയുക്തമായി സംഘടിപ്പിക്കുന്ന 'ക്ലീന്‍ കാംപസ് ' പദ്ധതിയുടെ ഭാഗമായി ഒരു വര്‍ഷം നീണ്ടുനില്‍ക്കുന്ന ലഹരിവിരുദ്ധ പ്രചാരണം  ഉദ്ഘാടനം ചെയ്യുകയായിരുന്നു അദ്ദേഹം.
പദ്ധതിയുടെ ലോഗോ ഉമ്മന്‍ചാണ്ടി പ്രകാശനം ചെയ്തു. കെ.സി ജോസഫ് എം.എല്‍.എ അധ്യക്ഷനായി. സോവിന്‍ തോമസ്, ജിജി അബ്രാഹം, സി.എം തോമസ്, ജേക്കബ് മാത്യു, രമേശന്‍ സംസാരിച്ചു.